لا يمل

من أجمل البرامج الكوميدية السياسية الساخرة التي تعرض عل قناة المستقبل برنامج "لا يمل" لا يطوفكم يا جماعة
الممثلين يموتون من الضحك .. بيعقدوا

.

.

سكتش أجواء عبر الزمن
.
المشهد الأول سنة 1974
.

عباس يغني: Night Fever

عباس: ما بتروح معنا
نعيم: لوين؟
عباس: عالسهرة شو بك؟
نعيم: لا حبيبي ما حزرت
عباس: ييي .. مكسرين الدني بالسهرة شو ما حزرت، ما معقول ما تروح

نعيم: أنا متفق أنا وساندي .. هلق بتجي لعندي وبناكل أنا وياها فلافل
عباس: ما تعملي هلق ساندي ما ساندي .. خلينا نروح نحنا لراسنا ولو
نعيم: يا حبيبي ما إلي جلادة روح معكن حلوة هالشغلة!! روحوا انتوا اصطفلوا
رولا تدخل الغرفة
رولا: اووو .. هاي .. اشتقتلكن .. يللا لابسين؟ جاهزين؟
عباس: أنا جاهز
نعيم: هوه رايح أنا مش رايح
رولا: لا لا لا ما تبلش نعيم .. بدك تيجي معنا
نعيم: ما إلي جلاده ولو
رولا: لا يللا مان .. مبسوطين كتير كتير كتير .. لذيذة الروحة
نعيم: أصلا أصلا لوين رايحين
رولا: لك نازلين عالحمرا .. عستيريو ما ستيريو وكذا
عباس ورولا: That's the way aha aha
I like it aha aha
نعيم: يللا بنروح بنروح .. هلق بنروح لعند ساندي بالأول لأنه كانت بدا تيجي لعندي بالأساس

.

.
المشهد الثاني سنة 1995

.
عباس: Lady you want me to go
If I leave you ...
نعيم: شوبك مزقزق هالقد؟ شوفي هالقد؟ شو وين رايح؟
عباس: طبعا ولو واحد رايح يسهر ما بده يزقزق .. شرِف
نعيم: لوين؟ لأ هلق بدي دقللا لساندي تيجي لهون بنطلب ديليفري بنتسلى أحلى .. شو هالسهرة ؟
عباس: يي يي على قصصك .. شو بتضلك هيكي؟ خلاص روح بقى
نعيم: ما بدي روح .. ما إلي جلادة عم قلك شو بالقوة؟
رولا: اووو .. جايز هللو .. يللا لبستوا؟
عباس: أنا جاهز
نعيم: هوه رايح أنا مش رايح
رولا: لا لا لا بدك تيجي معنا نعيم .. ولعانة ولعانة
نعيم: لوين رايحين أصلا؟
رولا: رايحين عالكسليك بارز وما بارز وكذا .. يللا
نعيم: آه عن جد .. يللا .. هلق بدقللا لساندي تيجي معنا
.

.
المشهد الثالث سنة 2003

.
عباس: تفرج عالحلاوة حلاوة .. دي بلدي ونقاوة نقاوة .. ليك شو بك؟
نعيم: شو بي؟
عباس: واحد رايح سهرة يكش؟
نعيم: طب روح سهرة مين قلك لا .. أنا كاشش هيك مبسوط بحالي .. شو إلك معي؟
عباس: شرِف معنا .. شرِف معنا
نعيم: لا يا حبيبي مش رايح معكن .. أنا هلق بدي دقللا لساندي بتيجي هون بناخذ ديليفري بنتسلى أكتر .. شو هالسهرة هيدي؟
عباس: لك شو ديليفري شو ما ديليفري؟
رولا: شباب .. هاي .. كيفكن .. شو نعوم جاي؟ لابسين؟
نعيم: لا لا مش رايح معكن ما إلي جلادة
رولا: بلى ... بلا سقالة نعيم ولعانة بالداون تاون .. مونو ما مونو بوبز وكذا .. يلا بلا سقالة كلن تحت
نعيم: يللا بروح .. بدق لساندي هلق
.

.
المشهد الرابع سنة 2006

.
عباس: يللا نعيم يللا .. بشرفك شو بك؟ ليه بتضلك هيك؟ ولِع ولِع
عباس Rapping
نعيم: لوين؟
عباس: بدنا نروح نسهر شو بك؟
نعيم: إي روح إسهر مش رايح معكن أنا
عباس: لا شو هالحكي؟
نعيم: لا يا حبيبي هلق بدقللا لساندي بتيجي بنعمل ديليفري ما ديليفري بنقعد هون بنتسلى
عباس: ليه هيك بتضلك هيكي معتم على قلبك هيك إنت؟
نعيم: عجقة سير هلق بيكون وهيك .. ما إلي جلادة .. روحوا إنتوا
عباس: لك هون هلق بننزل فشختين لابده عجقة سير ولا شي
رولا: شباب .. هاي .. يللا .. كيفك؟ ما لبست بعد؟
نعيم: أنا ما بدي روح معكن
رولا: لا نعيم بلا سقالة .. لا بليز بدك تيجي معنا
نعيم: ليش لوين رايحين أصلا؟
رولا: عالجنووووووووب
عباس ونعيم: عالجنوب؟
رولا: عالجنوب .. عالناقورة .. ولعانة بوبز ما بوبز يو أن ما يو أن ولعانة كل العالم عم تطلع هونيك
نعيم: طيب يللا .. بدقللا لساندي بناخدها معنا

************

وأنا بعد إذنكن نازلة عبيرووووووت .. بيقولوا ولعانة

اغتيالات ما اغتيالات .. كاتم صوت وتفجيرات .. شي بيعقد

بتوصُوا على شي؟