Thursday, September 13, 2007

كل عام وأنتم بخير


تذكرون مشهد مسرحية العيال كبرت لما يغنون وهمه لابسين أبيض فأبيض زي الملايكة .. ويقولون
.
رمضان جانا
وفرحنا به .. بعد غيابه
أهلا رمضان
رمضان جانا
بغيت أحط لكم الفيديو وأضحككم شوي .. بس ما لقيت فيديو واضح
فـــ
Use your imagination or ... memory .. or "youtube" :)
.
&
قولوا لازم نصوم رمضام
قولوا الصيام صحي لانه ينقي الجسم من السموم مثلا !!؟
بس
____________

المهم
.
فطوري كما أحب أن يكون
حبيب الكل .. فيمتو
.

سمبوسة جبن كرافت .. أي نوع جبن ثاني ما ينفع

French Onion Soup ...> (حنان شلونج؟؟)

أما طبقي المفضل في رمضان
تشريبة مرق الروبيان (بدون البطاط طبعا) بس ما لقيت صورة ثانية
بما إنني من عشاق التشريب .. ومحرومة منه لأنني ما آكل لحم
.

أما الحلو فلا يعلى على لقيمات خالتي بالخلطة السرية ... ولا أطيب
ولو إنني هالسنة مصممة إنني أذوقها من إيد أم نورة

.

وقد نستعيض عنها بالقطايف ... قَلي اديَا وحياة عينيَا
_______


اللعينة .. صار لي سنة أقوللها رسميني

ولما أقلب في "دفاتري القديمة" ألقى هالرسمة!!!!!!؟

بالذمة شرايكم؟؟؟ آنا أقول لو راسمة أم السعف والليف وكاتبة تحتها عالية وايد أشرف لي

17 comments:

Hanan said...

ya ba3ad chabdi enty.
french onion soup you shall have tomorrow.
انت تأمر يا جميل

Purgatory said...

aklekom wayed dasem, sh7qa!

Mohammad Al-Yousifi said...

بس شعرها حلو:)

على طاري العيال كبرت أمس شفت مدونتين حاطين اللقطة

Anonymous said...

عليما وعليج وعساج تعودينه
بس اكو شي غريب يصير برمضان وهو ان انا اموت علي الفيمتو في رمضان بعده لو يحطون لي اياه على الغدا ما اشربه شنو السر ياترا ؟

sologa-bologa said...

اغلب الناس يزيد وزنهم برمضان

كله من اللقيمات والفيمتو
والقطايف الخ الخ الخ


وكل عام وانتم بخير


ودمتم بحب وود

bo9ali7 said...

كل عام وانتي بخير
بس عندي اعتراض ذو لهجة شديدة على تشريب الربيان

iDip said...

مبارك عليك الشهر

I love the alias: أم نورة
it sounds like an old lady (in her 60s maybe!)

والرسمة: مرعبة

KuwaitVoice said...
This comment has been removed by the author.
KuwaitVoice said...

لووووووووووول

حلوه الرسمة .. ليش معصبة ؟

وين الروح الرياضية :P

شروق بدعت ونفس ماقال مطقوق شعرها وايد حلو :)

Pepsi-guy said...

لا تلومين الدكاترة المسلمين لما يقولون
.ان نظام الطعام في رمضان صحي

لو قالوا انه نظام غلط بغلط بيحللون دمهم. ما تسوى عليهم

"Healthy" & "Not drinking water" cannot be in the same sentence

ARTFUL said...

علينا وعليج

بس تشريبة ربيان!!! أول مره أسمع فيها

على العموم عليج بالعافيه

;p والله طلعتي مزيونه

Anonymous said...

Is it healthy to fast when you have mashakeel colon?

White Wings said...

يا مامي، شنو هالصورة خرعتيني
:)
ما آكل لحم الا في تشريب رمضان، لا شيئ يعلو على تشريب اللحم
والحلو ما يمشي معاي، والسمبوسة... موافقون
خصوصاً مع فوازير حليمة

ValenciaLover said...

هي هي هي

خوش رسمة

(بس حرام كسرت خاطري)

tweety said...

قريت اسم مدونتي فقلت : عفوا احد ناداني :P

كل عام وانتي بخير
ومبارك
عليج الشهر

لووول على الرسمة
الله يسامح اللي رسمها صراحة

Shurouq said...

lol
ودي أعتذر عن الرسمة.. انتي وايد أحلى
بس كرامتي ما تسمحلي

بعدين هذي مرسومة قبل الغزو.. يعني آنا عمري وقتها ٦ سنين، بالكثير ٨

زين مني


وآنا مو أم نورة، آنا أبوها

Alia said...

hanan,

الشوربة كانت يمي يمي يمي
Thanks hon
;*
تسلم الأيادي

purg,

نبي نصير شوي شبي
;)

kila ma6goog,

حلو؟؟؟ تتطنز حضرتك

حمودي,

إي والله صاج
لا الفيمتو أقدر أشربه ولا التشريب ينوكل ف يغير رمضان
والبحث جاري لمعرفة الأسباب

sologa-bologa,

وإنت بخير وصحة وسلامة
صاج والله .. بس الأكل لذييييذ شنسوي؟؟

bo9ali7,

وإنت بخير .. تسلم
إنزين اعتراض وفهمنا
شديد اللهجة ليش؟

idip,

علينا وعليك
إي بس اهيه مو عاجبها
تقول آنا أبو نورة

kuwaitvoice,

إنت بعد يا صديقي تقول حلوة؟؟
آنا أوريك يا مجرم
أما من ناحية الروح الرياضية
فــ ... يعني شنو؟
لا آنا ما يمشي عندي هالكلام
آنا أحب الناس يمدحوني وبس
حيث إنني كاملة والكامل الله
وإلا عندك راي ثاني؟

pepsi-guy,

I KNOW!!

artful,

والله تشريبة الربيان كانت ولا تزال البديل الطبيعي لتشريبة اللحم اللي ما آكلها

مزيونة؟؟؟؟ الله يسامحك

anon,

ترى آنا مو دختورة

white wings,

هيء هيء هيء .. حتى إنتي؟؟
رجاءا إنتي آخر وحده تتكلم عن الأكل
لا تخليني أعلم عليج بيبسي جاي
وبعدين حليمة راحت عليها .. أمل العوضي وبس والباجي كله خس

valencialover,

حبيبتي والله
انتي الوحيدة اللي كسرت خاطرج
;*

tweety,

وإنتي بخير عزيزتي
لا والله .. الله لا يسامحها

shurouq,

وحتى لو اعتذرتي ماراح أقبل اعتذارج
إلا إذا
.
.
.
رسمتيلي رسمة ثانية تردين فيها اعتباري
وتحطينها على "جابرية زحمة" مع اعتذار بخط اليد

وبعدين إذا إنتي 6 آنا 5
يعني هذي اللي بالرسمة مو آنا
;)