Saturday, February 17, 2007

Tagged by the beautiful "L'lee"

.
.
إسمي
.
أعتقد موجود في البروفايل .. عن الكسل
.
.
أسم الشهرة بين الأصحاب
.
علُوي .. بس آنا أحب لولو ومحد ملقيني وجه
.
.
عمري
.
عيب .. في أحد يسأل فتاة في الطعش من عمرها هذا السؤال
.
.
برجي
.
الحمل وفي الأبراج الصينية الحية .. ديروا بالكم مني
.
.
شخصيتي
.
راح أخللي اللي يعرفني يجاوب على هالسؤال .. بس رجاءًا بدون مجاملات
.
.
معنى السفر عندي
.
وناسة / تسوق / تصوير / استرخاء / راحة نفسية وجسدية / زيارة الآثار والمتاحف / التمتع بالطبيعة اللي ما عندنا ياها / هياتة / صوغة / مطاعم / ضحك عالفاضي والمليان .. الخ
.
.
المزاج
.
مرات حلو ومرات زفت على حسب الظروف
.
.
يومي خارج وقت الذروة
.
لابتوب / تلفزيون / طلعة / تسوق / ترتيييييييييييب
.
.
المشتريات بالنسبة لي
.
لو أقعد طول اليوم بالسوق عادي ما في مشكلة .. المهم أرد البيت شارية شي عجبني
.
.
أكلي المفضل
.
الإيطالي بلا منازع
.
.
الصفة المأخوذة من والدي
.
الحيا الزايد عن اللزوم / حب اليهال / عموما هادية .. بس لما أعصب مو زين / الكرم / أحب الكشخة / الطيبة / أحب أطفر اليهال وأضحك عليهم / أحب أقصص بطاط وطماط .. الخ / هواية تجميع السكاكين وريلي يخاف من هالهواية ههههههه
.
.
الصفة الماخوذة من أمي
.
الطيبة / الحنان / الكرم (اللي ممكن نسميه هني إسراف) / حب التسوق / مجابل اليهال / الدلع / لما أسوق السيارة وأحد يطق لي هرن ما أتلفت ولا أدري عن هوا داره / لأول وهلة الناس يحسبوني مغرورة بس لما يعرفوني عدل يدرون إنني فعلا مغرورة هههههههه / أدخل المطبخ بمزاجي / خدومة / عيالي خط أحمر
.
.
أكثر 6 أشياء أكرهها
.
الفراق
النفاق
الكذب
الخيانة
سوء الظن
الحقران
ومن عندي: الأميريكان فوتبول/ اللون البني/ لما أقص شعري قصير/ نطرة مستشفى الهادي/ الإبر/ الباجة/ البيبسي/ المارينا يوم الخميس/ مجابل واجبات اليهال / السجائر
.
.
أكثر 6 أشياء أحبها
.
زوجي وعيالي والأهل والأصدقاء
البحر والتشمس
التسوق
لبنان، إيطاليا وفيينا
اللون البنفسجي
فينوس
ومن عندي: صبغ الأظافر الأحمر/ التسوق / مسلسل الشهد والدموع / محل ديبيش مود / ميرفت أمين / الملابس البيضاء / البينا كولادا / كاكاو أفريكا / فيروز وجوليا / عصير برتقال آرين / اللؤلؤ / مسلسل فرندز / كراميل لوح / بولينا بوريزكوفا
.
.
مفهوم العمل عندي
.
المثابرة / الطموح / الدقة في الإنجاز / الثقة / المرونة / التميز / النجاح
.
.
الكمبيوتر والنت في نظري
.
إدمان مو طبيعي .. لدرجة إنني عندي كود روايات مسطرين وما عندي وقت حقهم .. ما أقدر أقوم من على اللابتوب إلا إذا وصلت حدي وعيوني قامت تغمض الله لا يبليكم
.
.

24 comments:

As YoU LiKE said...

بـس ؟
مو نـاقص شـي ؟

:)
عالعموم الله يهنيج في عيالج وزوجج ..
وبالتوفيق ان شاء الله في حياتج .. والى الامام :)

DiLLi O MiLLi said...

لولو حبيبتي

طعش سنه ؟! يالله أنطوفها لج هالمره
:)

شخصيتكِ

خل أكون واضحه .. أنا هالبنت عمري بحياتي لا شفتها ولا أعرفهاااا .. كل اللي بيني وبينها المدونه وثلاث أيميلات وصديقه مشتركه .. ومنها أشوف أنك

خف طينه بحت
طيوبه
شخصيتك قويه
ملوله
حنونه
رومانسيه



في السفر ما أحب أرووح متاحف وعمري ما أمتلكت كاميرا .. حتى ولدي من ولادته الى الأن ما عندي صور لمراحل حياته .. بس الحمدالله أختي ماخذتله صور من وهو صغير


ذوقج في الأكل ... تمام التمام



ههههههه .... شوفي أحنا أحسن لنا نفترق من الحين مادامنا على البر ... هواية تجميع السكاكين !! وشوووله !!؟؟ لااااا ... وتحبين أتقصيين بطاط وطماط ... أكيد عندج صبع ناقص !!ء



لما أسوق السيارة وأحد يطق لي هرن ما أتلفت ولا أدري عن هوا داره

بالله حضرتج كنتي عاره عليه .. أشلون ؟! عادي أتصعدينه الرصيف !؟



ياسلام عليج السؤال محدد 6 أشياء مووو 66 شيء !!!!ء
الباجه !!!؟؟؟ عسى مووو ذايقتهااااا !!!؟؟؟

الله من وين مطلعه مسلسل الشهد والدموع يااا حلاته .... وفرندز من أجمل المسلسلات الكوميديه اللي أنتجت وآخر واحد ... صار عندنا الشهد والدموع ولا أنام من أنتهى بثه

الله الله على فيروز وجوليا بطرس كلك زووووء يا لولو

:*

Shurouq said...

Dilli
آنا أعرفها

شخصيتها عسل.. صج وهي صغيرة كانت دعلة وأذتني وايد، بس الحين تهبل وكل شي فيها حلو

حلوة وروحها أحلى
حتى لما تطنقر ومزاجها ما يكون تمام، تونّس

وأحسن شي سوته انها تزوجت ويابت ولدين: واحد يقول لي أي لون ألبس، ويرسم معاي، ولي طلعت يقول لي "لا تتأخرين".. والثاني نمونة مصغرة عن عالية.. صج نحيس بس "بيوخد العكل"..

عالية
إذا انتي طعش آنا طعش وسنة؟؟

Shurouq said...

Hahahaha
So true about your dad teasing kids and cutting things!

DiLLi O MiLLi said...

shurouq

ههههه .. دعله .. يالله لج أجر أنج أستحملتيها .. هذي فتوى أنا مطلعتها

الله يخليلج عيال خوانج وخواتج .. مافي أحلا من شعور العمه والخاله




alia

الله يخليلج أولادك ويبلغج فيهم معاريس واليباب علي
:)

ويخليلج الوالد والوالده وحبايبك كلهم

3abeer said...

عاليه دارلنج.. ما أدري ليش بس تذكرتج أيام الطفوله .. على فكره .. هذا إنتي ما تغيرتي..زي مانتي ياختي

يا حلاتج يا عاليه .. حبيييييبه

;*****

Alia said...

as you like,

بس ؟؟؟ شنو تبي أكثر بعد
وشكرا على مرورك

L'lee,

طوفيلي عشان أطوفلج
خف طينة .. مو وايد
ملولة .. حدي
حنونة .. OK
رومانسية .. ساعات ساعات على قولة صباح

الكاميرا وايد مهمة عندي .. وأكيد وايت وينغز قالت لج جم صورة صورنا في آخر سفرة

الأكل متفقين عليه سلفا

قلنا لج أحب اقصص سلطة، بطاط .. الخ ... والسكاكين تونس .. ومو بالضبط صبع ناقص .. بس كل مرة أقص فيها شي لازم أشيل لي شلفوح من هالصبع أو ذاك ..بس لا تخافين ما يطلعون من المطبخ

الهرن .. شوفي يا ستي .. مثلا مرة كان زوجي ماشي وراي بالسيارة ويترِك ويطق هرنات عشان أشوفه .. والله ولا التفت .. ولما رديت البيت يقوللي ما شفتيني .. قلت له وين أشوفك .. ولا حتى دريت انه كان وراي

الشهد الدموع .. مسلسل الطفولة
ودي أشوفه هالايام تصدقين

وطبعا احنا متفقين على فيروز وجوليا ما يبيلها كلام

إنتي اللي مزوءة
;**

shurouq,

قلنا بدون مجاملات ... عاد آنا لما أطنقر ما أنبغى .. لحد يكلمني
وبعدين تعالي هني ... شنو يعني احسن شي سويته انني تزوجت ويبت الولدين .. يعني غير شذي ما مني فايدة
هذي انتي رفيجتي وتقولين شذي .. عيل الأغراب شنو يقولون؟؟
بس عموما عموما ... إنتي اللي عسل
;********

shurouq,

إي يعني الاشياء الشريرة ماخذتها من البابا .. هههههههه

L'lee,

خلاص من الحين مأجرينج حق اليباب
ومشكورة يا قمر

Mohammad Al-Yousifi said...

ضحك عالفاضي والمليان .. الخ

كلش مو انا

White Wings said...

أشياء عن شخصيتج...همممم
هادية ورقيقة في التصرفات، لا تحمل ضغينة على أحد أبداً، تنسى الاساءة، أو يظهر أنها تنسى، ما تعادي أحد
حنونة جداً، مضبطة كل أطفال البيت، ياسمينة تقول تبي تاخذها البيت الجديد معاها بدالي
نحيسة بالأكل، وعنيدة، صديقة رائعة، عاطفية جداً بالرغم من أنها "تكافح" لاخفاء هذه الحقيقة
بس كافي

Hanan said...

دمها عسل، ذوقها حلو، عذروبة بالأكل، عنيدة، وايد حساسة، تموت على اليهال واليهال يموتون عليها، تحب حيل حيل حيل، تخبز فطيرة جوز عجيبة، مريحة، طيبة واااااااايد، مينونة سوق

وبس وسلامتكم

Spontaneousnessity said...

I remember you very very little from when we were kids, nothing to base though =/ mo 3aib?

so I can't say much =|
one question though.. etyam3een sechacheen?! am glad rayya weskeena weren't mentioned in your "things I love" list!

Unknown said...

أكثر 6 أشياء أحبها
.
زوجي وعيالي والأهل والأصدقاء
البحر والتشمس
التسوق
لبنان، إيطاليا وفيينا


---- typical girl
hehehe

--- www.deera-chat.com ---
the first Kuwaiti podcast, listen to us

AuThoress said...

تشبه النسمة ! لها عينان رائعتان تميّزها جدا، هادئة ، لها ذوقها المميز/الناعم في الملابس ودوما يعجبني التمازج اللذيذ بين رشاقتها وذوقها، ام حنونة كما أرى،وثنائي "يندر" وجوده هذه الايام ، هي و زوجها، استمتع بمجرد رؤيتهما معاً، عسى أن يكونا معا دائما بوئام ومودّة .... اما عن فطيرة الجوز يا حنان، فــ عرفنا من "شروق" قصتها، بعدما رجعت من الممشى ، وتخلّت عن هاجس الرياضة لأنها - كما تزعم - كانت تتراءى لها وتشم رائحتها... عالية ام بيت جميلة، وصديقة رائعة، وقلب كبير

محبتي لكنّ يا فتيات.. لعالية وشروق قبلات

AuThoress said...

تشبه النسمة ! لها عينان رائعتان تميّزها جدا، هادئة ، لها ذوقها المميز/الناعم في الملابس ودوما يعجبني التمازج اللذيذ بين رشاقتها وذوقها، ام حنونة كما أرى،وثنائي "يندر" وجوده هذه الايام ، هي و زوجها، استمتع بمجرد رؤيتهما معاً، عسى أن يكونا معا دائما بوئام ومودّة .... اما عن فطيرة الجوز يا حنان، فــ عرفنا من "شروق" قصتها، بعدما رجعت من الممشى ، وتخلّت عن هاجس الرياضة لأنها - كما تزعم - كانت تتراءى لها وتشم رائحتها... عالية ام بيت جميلة، وصديقة رائعة، وقلب كبير

محبتي لكنّ يا فتيات.. لعالية وشروق قبلات

Alia said...

ma6goog,

احلى شي في السفر الجنون .. والضحك اللي على اللي اكو واللي ماكو
جرب وادعيلي

white wings,

مضبطتهم؟؟؟ لا مضبطتهم ولا شي
بس شسوي أنـحب

وبعدين ليش تطلعين على إشاعات .. لا اكافح ولا شي، لو صج أكافح شان ما عرفتي

تصدقين قاعد أحاتي طلعتكم من البيت .. ما نستغني ;**

hanan,

وبس؟؟؟؟ اهوه أكو شي ما قلتيه
بس أحسن شي مريحة .. حسستيني كأنني قنفة ههههههه ... يا اسم على مسمى إنتي ;****
فطيرة الجوز في الفرن الحين .. راح ناكلها بعد شوي .. حياج

sponty,

السكاكين .. اعتبريها هواية .. بما إنني مشهورة في محيطي إنني ما عندي هوايات

ali,

typical typical شسوي بعد
بس بذمتك عمرك عرفت وحده تحب تجمع سكاكين .. أعتقد مو تيبيكال أبدا

authoress,

كلام كبير ما اقدرش عليه
دمتي لي قارئة ومعلقة وصديقة .... و"زميلة" رقيقة ;***
وفي العطلة منو راح يقرالي الفنجان ويشوف البنت فيه؟؟؟؟

White Wings said...

والله يا لولو أنا بعد أحاتي
والا البيت يسوى بدون عازف الجيتار مالنا؟
:)
بلى، تكافحين بس أنا كاشفتج
:*

DiLLi O MiLLi said...

alia !!!


بالطووو أبيض !!!! أحد قالج أنا طبيبه !!! عيل بدل الورده الحمرا أعلق السماعات!!!ء
:)

C u Dear
:***

Mamloo7a Q8ia said...

لولو تعرفت عليها من يومين
شخصية اكثر من رائعة
هدوء راقي
تدخل القلب بسرعة
مريحة في الجلسة
خفيفة الروح
شكرا لمعرفتك وفعلا الله يهني اهلج واصدقائج فيج
صديقتج
"ر"
او "غ" اللي لابسة بنفسجي علشانج
هههههههه
تشرفت بلقائج ومعرفتج

Alia said...

white wings,

عازف الجيتار ماراح يعزف ببلاش بعد اليوم ... وأحب أقوللج ما نقبل شيكات
كاش موني

L'lee,

والله عاد لو لابسة البالطو الأبيض والوردة الحمرا مثل ما وصيتج .. شان ما قعدت لي اليوم أضحك على روحي من المقلب اللي سويتوه فيني

دمج عسل ;** .. بس الأيام بيننا
على فكره آنا مو منى

mamloo7a q8ia,

حبيبتي إنتي .. العزومة كانت أكثر من رائعة .. قعدتكم ما تنمل
خفة دم مو طبيعية

وتعرفين بعد انج اسم على مسمى
مملوحة وضحكتج تينن
وفوق هذا وذاك لابستلي بنفسجي
ههههههههههههههه
الله يديم هالمعرفة والصحبة الحلوة
;**

Hitman1 said...

I've spent so much time in italy to know about italian food... Its not bad... but Italian Pizza is just awesome

Mother Courage said...

mashallah 3aliya tshawgeeen...wayid Spontaneous

nEo said...

هاهاهها


نطرة المستشفى الهادي


عجبتني وايد


اعرف الشعور خصوصا اذا كان زحمة و ريحة الاصنصير خايسة

Nunu-San said...

LOL!!!
اشياب لولو حق عالية؟
;P

Alia said...

hitman1,

Lucky you .. & italian food not bad?????!!!!

It's definately the best my friend

brava,

ولا سبونتانيوس ولا شي
لا تغرج المظاهر مثل ما يقول الرويشد

neo,

في حالتي أقول .. خصوصا إذا كنت حامل ولايعة جبدي .. تعذيييييب

nunu,

مو أحسن من عوعو؟؟